'ఆటిజం' చిన్నబోయింది... గోల్డ్ మెడల్ అతని సొంతమైంది!
లాస్ ఏంజెల్స్ లో జరుగుతున్న 'స్పెషల్ ఒలింపిక్స్ వర్డల్ గేమ్స్'లో భారత్ కు చెందిన గోల్ఫర్ రణ్ వీర్ సింగ్ సైనీ స్వర్ణ పతకాన్ని సాధించాడు. దాంతో ఈ క్రీడల్లో తొలిసారి పసిడి పతకం దక్కించుకున్న క్రీడాకారుడిగా చరిత్ర సృష్టించాడు. జీఎఫ్ లెవ్ 2, ఆల్టర్ నేట్ షాట్ టీమ్ ప్లే ఈవెంట్ లో తన భాగస్వామి మోనికా జాజూతో కలసి 14ఏళ్ల రణ్ వీర్ ఈ ఫీట్ సాధించాడు. గుర్గావ్ కు చెందిన ఈ క్రీడాకారుడు రెండేళ్ల వయసు నుంచే ఆటిజంతో బాధపడుతున్నాడు. అయితే తన తొమ్మిదేళ్ల వయసు నుంచీ గోల్ఫ్ ఆడుతున్నాడు. గతంలో జరిగిన ఆసియా పసిఫిక్ వరల్డ్ గేమ్స్ లో రెండు గోల్డ్ మెడల్స్ సాధించిన మొదటి భారతీయుడిగా కూడా రికార్డు సాధించాడు.
